നീയെനിക്കാരിന്ന് ? മിത്രമല്ല
തീർച്ച ; ഞാൻ പരാജിത..
നീയതറിഞ്ഞിട്ടുമെന്നെ പിമ്പിലും
മുമ്പിലും ആക്രമിക്കുന്നതെന്തിനു
കൂർത്ത മുള്ളുകളാൽ ?
ശത്രുവെങ്കിൽ ഇനിയു-
മേന്തിനെന്നോട്‌ യുദ്ധം ?
ഓ ! ഒരു വാക്കിൽ പോലും
അടിമയെങ്കിൽ പിന്നെയെന്തുമാകാം .
മറന്നു പോയ്‌ ഞാൻ , ക്ഷമിക്കുക
തൃപ്തിയാവോളം ഭുജിക്ക നീ-
യെൻറെ മുറിവേറ്റ ഹൃദയം ;
മട്ടോളം ഊറ്റി കുടിക്ക
താപം മാറാത്ത നിണം
പിന്നീടുറങ്ങുക നീ തൃപ്തനായി .
**********************************
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ