പ്രിയ കുട്ടുകാരി ഞാൻ നിനക്ക് തന്ന വാക്ക് പാലിക്കാം... ഇന്നത്തെ ദിനം തീർന്നു പോയില്ലല്ലോ...
.........................................................................
ഈ കാത്തിരിപ്പെനിക്കിഷ്ടം..
കാത്തിരിക്കുന്പോഴല്ലേ
ഒരുക്കങ്ങളുള്ളൂ...
വരും...വരാതിരിക്കില്ല
നിരാശയല്ല... പ്രതീക്ഷ...
പ്രതീക്ഷയെന്റെ
ഒരുക്കങ്ങൾക്ക് വേഗം കൂട്ടുന്നു.
ഒരുക്കങ്ങൾ സന്തോഷമല്ലേ..
സന്തോഷം...അതു തന്നെ....
സന്തോഷത്തോടെ വരവേല്ക്കണം
പിരിയാതെ മുറുകെ പുണരേണം...
പിടി വിട്ടു പോയാൽ...
അകന്നുപോയാൽ..
വീണ്ടുമൊരു കാത്തിരിപ്പ്..
നിരാശ...പ്രതീക്ഷകളില്ലാത്ത
കാത്തിരിപ്പ്...
അതു വേണ്ട....
ഇപ്പോഴത്തെയീ ഒരുക്കങ്ങൾ
സന്തോഷങ്ങൾ... വാരിപുണരൽ
ചുറ്റും ഉയരുന്ന സ്നേഹ നിലവിളികൾ..
നടന്നു നീങ്ങുന്ന മൗനപ്രാർത്ഥനകൾ..
മൗനം.....
അതുമതി....
നീണ്ട മൗനത്തിനായീ
ഞാൻ കാത്തിരിക്കുന്നു...
തിരക്കിലാണ്...
മൗനത്തെ വരവേല്ക്കാൻ
ഒരുക്കത്തിലാണ്.....
സന്തോഷത്തിലാണ്..
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ